Mas ginpaid’id it Aklan Police Provincial Office ro andang mga police operations kun siin nga sa sueod it Enero hasta Abril nga 99 nga mga most wanted persons ro hadakpan.
Samtang, angot sa mga sugid nga kaeabanan sa mga nadadakpan nga mga suspek hay mabuhay eun ro kaso suno kay P/Staff Sgt. Leonilyn Artes, tagapaghambae it APPO nga bangud man sa mga National Police Clearance ngani nga maabo ro mga nadadakpan nga wanted persons kun siin nagareflect sa nasambitan nga clearance ro mga unsettled case mag’euwas sa proactive ag intensified operations.
Dugang pa nana nga indi man magpagguwa it warrant of arrest ro korte kun natapos eun ro kaso, may pipila man nga nagapanago sa layi ag naga’isip nga halipatan eun ro andang kaso apang bangud sa National Police Clearance clearance mas napapadali nga makita ro mga raya.
Bukas man sigon ro hustisya sa makarang bagay ag ro mga hadakpan nga mga wanted persons hay iturn’over sa mga natungdan nga nga mag korte.
Laygay man nana nga may mga paamaagi agud masettle ro mga kaso, ukon atubangon ruyon ag mag’angkon it pruweba nga natapos ukon settled eun gid man ro kaso.
