Umabot sa 7 ro mga ginhimo nga police operations kontra sa mga loose firearms ukon naga’eabag sa Republic Act 10591 nga layi sa mga firearms and ammunition sa sueod it Enero hasta Abril 2024.
Pahayag ni P/Staff Sgt. Leonelyn Artes, tagapaghambae it Aklan Police Provincial Office nga nakarekober man it 10 ka mga loose firearms kun siin nga ginpasakaan it kaso ro mga nag’eabag.
Laygay nana nga iturn’over man ro mga firearms nga due eun for renewal, magazines, ukon ammunition sa andang mga kabaranggayan ukon municipal police station agud maiwasan ro ano pang penalidad ukon for safekeeping.
May programa man sigon sanda nga bayluhan it bugas ro andang mga isurrender nga armas ukon Armas baylo Bugas.
Samtang, dapat sigon may himuon nga License to Own and Possess Firearms Caravan apang hay nagpaidaoem sa system maintenance ro sistema ngani nga uwa nadayon.
Samtang, pag’abot man sa pagkontra sa illegal gambling pasalig nana nga padayon ro andang mga operasyon ag monitoring sa nasambitan nga illegal nga bueohaton sa pagpanguna man it provincial director.
Pasalig man nana sa mga illegal nga pasugaean ukon taeay’an ukon mga hilimuon nga raya hay may nagakaigo nga penalidad.
Palig’on man ni Artes nga ireport sa kapulisan kun may masaksihan nga illegal gambing agud nga ivalidate it mga kapulisan ag kun may bayolasyon gid man hay magahimo sanda it police operations.
Gindayaw man nana ro mga pumueoyo sa andang obserbasyon ag padayon ro paghinyo nga makipagbuligan.
