KALIBO, Aklan—Owa it untoward incident nga nailista ro Aklan Police Provincial Office ukon APPO sa tiempo it Semana Santa.
Suno kay P/Staff Sgt. Jane Vega, assistant public information officer it APPO nga umpisa ko nagtaliwan nga domingo nga monitoring, maayos man sigon ro mga lugar nga ginabantayan it andang linyada.
Partikular sigon nga ginbantayan it kapulisan ro mga matawong lugar kapareho it mga simbahan, bus terminal, pantalan eabi eon ro Caticlan Jetty Port nga nauna eon nga ginkabig nga priority port, mga airport ag iba pa.
Gintutukan man sigon nanda ro isla it Boracay , mga baybayon, mga pilgrimage site ag iba pang tourist spot sa probinsiya.
Sa pihak kara, may mga nailista nga insidente nga indi malikawan partikular ro pagkalipong it pilang mga pumueuyu bangud sa sobrang init it tiempo kamana man ro nailistang pagkaduea it cellphone sa banwa it banga apang owa eon ginpa-record kamana man ro sangka vehicular accident sa banwa it nabas ag ro nag-viral nga komosyon sa banwa it tangalan.
Dugang pa ro collision incident sa chieftain it Ati tribe sa Boracay nga nagresulta sa anang kamatayon.
