Indi eon mabudlayan pa ro mga propesyunal sa Aklan sa pag-asikaso it andang mga requirements ag mga transaksyon sa Professional Regulation Commission (PRC).
Raya hay sa oras nga mataw-an it katumanan ro mabuhay eon nga ginahinyu nga pagbutang it satellite office kara sa probinsiya.
Suno kay PRC 6 Regional Director Romel Balisang nga sa masunod nga dag-on, sa 2025 hay ginatinguhaan it andang taeatapan nga makabutang it mga satellite offices sa ibang probinsya sa rehiyon eakip ro Aklan.
Madumduman nga sangka resolusyon ro gindihon dati sa Sangguniang Bayan it Kalibo nga nagahinyu sa PRC nga magbutang it opisina sa banwa.
Sa makaron hay kinahangean pa nga magbiyahe it haeos ap-at nga oras paagto sa siyudad it Iloilo City ag vice versa agud nga makabo-oe it kinahangeanon nga dokumento sa PRC.
Mag-eowas sa Aklan, ro mga residente halin sa kaiping nga probinsiya it Capiz ag northern Antique ag Isla it Boracay ro makabenepisyo sa oras nga makabutang it PRC office sa aklan partikular sa banwa it Kalibo.
