KALIBO, Aklan — Hugut nga ginkundina ni Provincial Director P/Col. Arnel Enrico Ramos it Aklan Provincial Police Office ro brutal nga pagpatay sa batikang mamamahayag nga si Juan “Johnny” Dayang.
Sa ginpaguwa nga news release angot sa kaso, ginpasiguro nana sa publiko nga ginatutukan makaron it Aklan PPO ro maid-id ag madasig nga imbestigasyon agud nga mapasabat ro sa likod it nasambit nga krimen.
Dugang pa nga hugut sigon sanda nga nakikipag-angot sa iba pang law enforcement agencies ag ginatan-aw ro tanan nga posibleng lead sa kaso agud nga masiguro ro sangka kumpleto ag patas nga imbestigasyon.
Nagpaabot man si P/Col. Ramos it anang pakikisimpatiya sa pamilya ag mga amigo Dayang.
Ginakilaea sigon nanda ro importanteng kontribusyon kara sa Philippine journalism.
Nagabulig suno kana ro Aklan PPO sa pagtib-ong it press freedom ag pagsiguro sa kaeowasan it tanan nga mga media professionals sa probinsiya.
Kadungan kara, gina engganyo it kapulisan ro sin-o man nga may impormasyon angot sa kaso nga magtau it bulig sa imbestigasyon.
Ro tanan sigon nga impormasyon hay magapabilin nga confidential.
