KALIBO, Aklan—Haom eon ro security plan it Aklan Police Provincial Office (APPO) para sa nagahilapit nga kapyestahan ni San Juan de Bautista.
Suno kay PSSgt. Jane Vega, tagapaghambae it Aklan PPO, ginaeauman eon nanda nga maabo makaron ro magaguwa sa tagsa nanda ka panimaeay agud nga iselebrar ro okasyon sa mga baybayon ag resorts matapos ro haeos daywang dag-on nga restriction tuga it pandemya.
May kaangtanan kara, nakipag-angot eon sanda sa tagsa ka police station sa mga kabanwahanan agud nga hugton ro andang seguridad sa pagbantay sa mga beach goer bangud nga ginaeauman ro pagdagsa it mga raya sa adlaw it Biyernes, Hunyo 24.
Katuwang sigon nanda ro kada lokal nga gobyerno para sa nasambit nga selebrasyon.
Hinyo it pulisya nga maging madahan ag mapagbantay sa kada isaea agud nga malikawan ro pila ka mga insidente partikular ro pagbantay sa ga inonga nga mawili sa pagpaligos.
