KALIBO, Aklan—Hugut nga ginapatuman it Aklan Police Provincial Office ukon APPO ro kampanya kontra sa illegal gambling ag iba pang illegal activities sa probinsiya.
Suno kay P/Staff Sgt. Jane Vega, assistant public information officer it APPO nga nagapabilin ro one-strike policy it Police Regional Office ukon PRO-6 sa tanan nga mga unit commanders kasunod it napabalita nga pagtaas it illegal gambling activities sa bilog nga Western Visayas ko nagtaliwan nga mga binuean.
Ginpaathag ni Vega nga sa idaeum it one-strike policy, ro police commanders nga magabalewala ukon mapas-eawan nga taw-an it aksyon ro na-monitor nga illegal gambling operations sa andang nasakupan hay iga-relieved halin sa andang pwesto.
Ginpahayag dugang nga sa makaron hay ginahueat eon lang nanda ro “go signal” maghalin kay provincial director P/Col. Crisaleo Tolentino agud nga mai-post ro andang accomplishment report.
Samtang, gina-obliga it APPO ro tanan nga municipal police stations nga magtaeana it public information officer agud nga insigidang masabat ro mga inquiry sa mga natabu nga insidente sa andang nasakupan.
