KALIBO, Aklan—Nagpatigayon it nagkaeain-eain nga aktibidad ro Aklan Police Provincial Office ukon APPO kasunod it 29th National Crime Prevention Week.
Suno kay PSSgt. Jane Vega, assistant spokesperson it Aklan PPO nga ro selebrasyon hay gin-umpisahan it motorcade ag ginsundan it mga programa kaibahan ro representante it mga municipal police station sa bilog nga probinsya it Aklan.
Ginpahayag dugang nga ro weeklong activities hay tuyo nga ipromote ro kalinungan ag katawhayan sa probinsya nga may tema makaron nga dag-on nga “Addressing Crime and Advancing Crime Prevention at the Local, National, and Global levels.”
Angot kara, may mga hin-unanon ag symposium nga igapatigayon sa nagkaeain-eain nga eskwelahan.
Handom sigon nanda nga maabot ro tanan nga eskwelahan bangud nga ro mga estudyante ro vulnerable victim it nagkaeain-eain nga krimen.
