Aklan PPO personnel, naka-deploy sa mga nagkaeain-eain nga sementeryo sa bilog nga probinsya

KALIBO, Aklan—Ginpaathag it Aklan Police Provincial Office (APPO) nga nakadeploy ro mga kapulisan sa nagkaeain-eain nga sementeryo sa bilog nga probinsya it Aklan.

Raya hay kaparte sa andang pagtao it seguridad sa mga pumueoyo nga nagabisita sa tagsa ka mga sementeryo makaron nga piyesta minatay.

Suno kay Police Corporal Leonelyn Artes, tagapaghambae it Aklan PPO nga may gin-establisar sanda nga police assistance desk kung siin pwede nga magdangop ro mga pumueoyo nga nagakinahang-ean it bulig.

Ginpadumdum man kara ro publiko nga may ginapatigayun sanda nga inspeksyon para sikyaron ro kagamitan antes magsueod sa mga sementeryo ag iba pang place of convergence.