KALIBO, Aklan — Naka-alerto eon ro Aklan Police Provincial Office (APPO) para sa holiday season.
Suno kay P/Capt. Aubrey Ayon, tagapaghambae it Aklan PPO nga raya hay nagakahueugan nga owa ginapasugtan ro mga katapo it kapulisan sa pag-leave bangud nga naka-tutok sanda sa holidays.
Mag-eowas sa pagpabaskog sa police visibility pinaagi sa deployment it mga patrol cars, nagapakalhit man it mga kapulisan sa mga priority areas kapareho it mga simbahan, malls, pantalan, airport , terminal ag iba pang mga matawong lugar.
Kaibahan man ro mga tourist spots sa ginabantayan nanda partikular ro Isla it Boracay.
Samtang, gin-abisuhan it mga awtoridad ro publiko nga magapabilin nga naka-alerto agud nga malikawan nga mabiktima it mga nagapamentaha makaron nga tiempo kapareho it mga manakaw, salisi gang, scammer ag iba pang modus nga eapnaag kada tiempo it Paskwa.
Sa mga nagakinahangean it bulig, may gintukod sigon sanda nga mga police assistance desk sa mga simbahan ukon magtawag sa hotline number 911.
Bangud sa waea-tuo nga pagpatigayon it opening of lights sa nagkaeain-eain nga banwa, ginpaabot it kapulisan nga temporaryo nga ginduea ro laye angot sa curfew sa mga menor de edad, apang kinahangean kon nagawarang sa dis-oras it gabi-i hay dapat nga may kaibahan nga ginikanan ukon guardians.
