KALIBO, Aklan — Nagpanghaliw-as ro Aklan provincial board matapos madiskubrehan it Department of Interior and Local Government (DILG) nga 25 eamang halin sa 1,080 ukon 2.3% it mga establishmento sa isla it Boracay ro uwa nagasunod sa permits ag requirements it gobyerno.
Suno kay Board Member Nemesio Neron, may otonomiya ro mga local government units base sa Local Government Code, kon siin trabaho it local execuitve ro magpatuman it mga ordinansa.
Sa pihak kara, ginpasiguro ni Neron nga mahimo sandang magpatigayon it legislative inquiry kaangot sa mga laye nga ginabaliwala it mga pasaway nga negosyante sa isla.
Dugang pa kara nga uwa man sanda it poder nga amyendahan ro national laws.
Nauna eon kara nga nagpahayag it pagkadismaya si DILG Asec. Epimaco Densing III sa resulta it andang ginpatigayong inspection, kon siin 427 ro naga-operate nga uwa it business permits, 207 ro uwa it Environmental Compliance Certificate, 199 ro uwa it building permits, 427 ro uwa it fire safety certificates, 412 ro napas-eawang makasunod sa requirements it PagIBIG, Social Security System (SSS) ag PhilHealth ag 112 ro uwa it sewerage treatment plants.
