-- ADVERTISEMENT --
KALIBO, Aklan–Ginaplano eon it provincial government it Aklan ro pagbutang it limitasyon sa mga turistang nagabisita sa Isla it Boracay.
Raya hay kasunod it naeabag nga carrying capacity ko Semana Santa sa dapat nga kapasidad it numero it mga turista kada adlaw.
Suno kay Aklan Governor Florencio Miraflores, pagalimitahan ro pagpaguwa it quick response codes ukon QR codes it lokal nga gobyerno sa mga turista agud nga makontrol ro mga incoming ukon inbound tourists.
Gintaeana sigon ro QR code para sa pagpasa it mga requirements kapareho it confirmed hotel reservations ag negatibong swab test result ukon vaccination certificates.
Sa makaron hay owa a it ensaktong petsa kon hin-uno paga-umpisahan ro plano.
-- ADVERTISEMENT --
