KALIBO, Aklan–Hugut nga nagapamaeabag ro gobyerno probinsyal sa House bill 1085 ukon uman nga pagdihon it Boracay Island Development Authority (BIDA) bill sa idaeom it Government-Owned and Controlled Corporation (GOCC).
Ro hagna hay nabaton it House of the Representative ko Hulyo 4, 2022.
Suno kay Aklan Vice Governor Reynaldo Quimpo, sambilog sa mga rason it andang pag-oponer hay ro klarong pag-eabag kara sa probisyon it Philippine Constitution ag Local Government Code.
Nakabaehag sigon kara ro pag-garantiya sa tanan nga mga lokal nga gobyerno pag-abot sa pagmanihar it andang political ag territorial administrative jurisdiction.
Buot hambaeon kara, ro may gahum ag otoridad sa sangka lugar hay ro mga gin-ilihir nga opisyal.
Nasayuran nga mag-euwas sa isla it Boracay, mapaidaeom man sa pagdumaea it national government ro Brgy. Caticlan, Malay ag sangka barangay it Nabas engkaso nga madayun ro pagpasa sa nasambit nga hagna.
