KALIBO, Aklan—Ginaplanuhan makaron it Aklan provincial government, lokal nga gobyerno it Malay maging ro mga stakeholders nga iduso sa national government nga mapataasan ro carrying capacity it tourist arrival sa isla it Boracay.
Suno kay Caticlan jetty port administrator Esel Flores nga raya hay kasunod it sigidas nga pag market sa isla it Department of Tourism maging si President Ferdinand “BongBong” Marcos Jr. suno kana hay ginamarket ro Boracay.
Kada adlaw suno kana hay uwa naganaba sa 4,000 ro tourist arrival sa sikat nga isla nga ginakaeakipan it lokal ag dumueoong bisita.
Plano nanda nga madugangan ro 6,405 carrying capacity nga tourist arrival kada adlaw eabi eon makaron nga nagahilapit ro summer season.
Sa kamatuoran suno kana ko February 15 hay umabot sa 5,500 tourist arrival sa sueod it sang adlaw.
Senyales sigon raya sa amat-amat nga pagkabuhi it industriya it turismo sa isla it Boracay.
