KALIBO, Aklan—Nagpanudpod it masobra sa P1 million nga balor it food packs ro Aklan Provincial Government para sa mga residente nga apektado it lockdown sa banwa it Kalibo.
Suno kay Provincial Social Welfare Development Office (PSWDO) Aklan head Evangeline Gallega nga masobra sa P1 million ro balor it mga food packs ro ginpanudpod sa masobra sang libong household sa C. Laserna St. Kalibo nga una sa idaeum it granular enhance community quarantine.
Mag-euwas sa bugas, groceries kapareho it corned beef, meat loaf ag sardinas hay nakabatun man ro mga household it masobra sang kilong dressed chicken ag mga tino-ea.
Sugang pa kara nga ginpakamayad ni Gov. Florencio Miraflores nga dugangan it tinu-ea ro mga food packs agud mapabilin ro mayad nga eawas it publiko.
Nasayuran nga may kabilugang P900 ro balor it kada food packs kaeakip eun ro packaging ag labor cost.
Madumduman nga ko Setyembre 20, 2020 hay ginpaidaeum ro an-om nga purok it C. Laserna ag pilang parte it Poblacion sa granular ag surgical lockdown matapos may mga nailistang kaso it COVID 19.
Samtang, nagpanawagan man raya sa publiko nga magtiis anay ag magsunod sa mga health protocols samtang bukon pa it maayos ro sitwasyon.
