KALIBO,Aklan–Pagapadaeman it provincial government ro imbestigasyon sa nakapaeagyo nga inmate sa Aklan Rehabilitation Center.
Suno kay Atty. Selwyn Ibarreta, provincial administrator nga nagahueat pa sanda it dugang nga report bangud nga naka-onleave pa si Pedrito Escarilla, provincial jail warden.
Apang, ginpasiguro nana nga nagapadayon ro manhunt operation it mga otoridad sa inmate.
Maabo sigon sanda nga gustong ieapog nga pangutana ag gusto nanda nga maklaruhan sa pila ka mga bagay kon sa siin kon makitaan it lapses hay sigurado nga may magapanabat.
Madumduman nga nakapaeagyo ro inmate nga si Randy Fulgencio sa ARC masobra sa sang dominggo eon ro nakataliwan ag hasta sa makaron hay uwa gihapon raya nadakpan.
Si Fulgencio hay nagapangatubang sa kasong pag-eabag sa Republic Act 9165 ukon Comprehensive Dangerous Drugs Act of 2002 ag Robbery.
Nagapabilin man nga kipo ro bibig it pamunuan it pasilidad sa nasambit nga insidente.
