KALIBO, Aklan—Nag-apela ro Aklan provincial treasurer’s office sa mga taxpayers nga balikdon ro andang obligasyon sa pagbayad it buwis sa pagtapos it dag-on 2024.
Ginpahayag ni provincial treasurer Bernardino Villaruel nga may gintaeana nga diskwento para sa mga taxpayer kon temprano ro mga raya nga magbayad sa andang obligasyon sa buwis para sa dag-on 2025.
Kon inde masarangan sigon nga i-full payment hay may una man nga by quarterly ro pagbayad hasta sa makaimpas ro mga raya sa andang baeayran.
Ginpadumdom man nana ro mga delinquent taxpayers nga inde pagpabaya-bayaan ro andang mga baeayran ag siguraduhon nga i-settled ro andang mga obligasyon sa buwis antes matapos ro presenteng dag-on.
Nasayuran nga ro buwis nga ginabayad it kada isaea hay ro lifeblood it gobyerno agud nga maipatuman ro mga proyekto ag programa sa ikaumwad it kada komunidad.//
