KALIBO, Aklan—Ginaduso makarun it Aklan Rabbit Meat Producers and Breeders Association nga gamiton it publiko ro karne it rabbit agud nga maging alternatibo sa karne it baboy sa tunga it padayun nga pagkalhit it African swine fever (ASF) sa nagkaeain eain nga parte it nasyon.
Suno kay Garry Andrade, Presidente it Aklan Rabbit Meat Producers and Beaders Association nga maabong benipisyo ro maangkon it sangka tawo kung magkaon it karne it rabbit.
Mag-euwas nga raya hay manggaranon sa protena, mabahoe man ro maibulig kara sa mga may sakit nga cancer.
Dugang pa kara nga madasig eamang ro pag-breed sa rabbit ag bihira eamang nagakasakit.
Bukon man raya it malisod nga alagaan ag maabo kung magtiyo.
Sa makarun hay sangkiri pa eamang ro mga rabbit farms sa probinsya apang “on the process” man sigon ro andang paglink sa taeatapan it mga Municipal agriculture sa tanan nga kabanwahanan.
Una eun nga ginpahayag it Philippine Veterinary Drugs Association nga kapin sa 62 porsiyento it kabilugang hog population ro maduea kung indi mapunggan ro pagkalhit it ASF sa Pilipinas umpisa pa ko dag-on 2020.
Samtang, nagapabilin man nga ginakueang ro supply it rabbit apang engkasong magdugang pa ro mga naga-alaga kara hay posible man nga magnaba pa ro presyo kamana man mas mapadali ro pagbatun it publiko nga ro karne it rabbit hay pwedeng gamiton nga alternatibo sa karne it baboy.
