Kabilugan nga naging madinaeag-on ro ginpatigayon nga Aklan Rescuelympics 2023 nga ginhiwat sa Aklan Sports Complex, Calangcang, Makato.
Suno kay Mr. Galo Ibardolaza, head it Provincial Disaster Risk Reduction Management Office nga ro nasambit nga rescuelympics hay ginpasakupan it mga MDRRMO’s, response agencies ag mga eskwelahan sa bilog nga probinsya it Aklan.
Ro kakatapos nga aktibidad hay nagta-o it opurtunidad nga makit-an ro capability sa pagresponde ag ro lebel it nagkaeain-eain nga emergency response unit.
Ginpahayag dugang ni Ibardolaza nga dag-unan raya nga ginahimo agud nga maimprobar pa gid ro kapasidad it mga MDRRMO’s, mga response agencies, ag mga institusyon pag-abot sa Water Search and Rescue (WASAR), Basic Life Support (BLS), Fire fighting, vehicular crash victim extrication, mass casualty incident rescue, ag maabong iba pa.
