Ginaeauman ni Aklan second district congressman Teodorico Haresco nga magiging maayos ro daeagan sa pagpresentar sa hagna nga House bill Number 06401 anang gindihon para maging component city ro banwa it Malay.
Suno kana, idto raya sa idaeom it local government committee kon sa siin kampante imaw nga matalakay eagi raya sa mas madali nga tyempo agud nga makadiretso eon sa committee on ways and means and appropriations it Kamara.
Kampante dugang si congressman Haresco nga sa sueod it anang termino hay maipasa eon ro nasambit nga hagna.
Madumduman nga sangka resolusyon ro gin-aprubahan it Sangguniang Panlalawigan it Aklan bilang pagsuporta sa nasambit nga hagna.
Naging confident man ro SP Aklan officials nga kwalipikado ro Malay para maging syudad it probinsya bangud nga naabot kara ro pilang minimum requirement sa idaeom it Local Government Code partikular eon pag-abot sa land area, populasyon ag income.
Nasayuran nga sakop it Malay ro isla it Boracay nga nagata-o it mabahoe nga income sa provincial government.
