Ginpasaeamatan ni Aklan second district representative Teodorico Haresco sanday board members Jay Tejada, Jupiter Gallenero ag Nonong Dalisay kasunod it andang public apology nga ginpaguwa kon siin nakaangkon it misscommunication sa tunga it mga matag-as nga leader it probinsya bangud sa deklarasyon it Person Non Grata sa mga Bicolano congressmen nga proponent sa hagna it uman nga pagbuhi sa pagkriar it Boracay Island Development Authority ukon BIDA bill as a Government-Owned and Controlled-Corporation ukon GOCC.
Suno kana, hantop sa tagipusuon nana nga ginabaton ro pagpangayo it pasaylo it nasambit nga mga opisyal.
Apang, indi sigon basta basta maduea ro kaeain it boot nga uwa manlang man nagpangonseho ro Aklan LGU’s kana antes nga gindeklara ro ap-at nga kongresista it ginakabig nana nga “harsh” nga pamisaea.
Madumduman nga si Haresco ro nagpanguna sa pagnegosyar sa nasambit nga mga kongresista kon ham-an it binawi it mga raya ro hagna nga BIDA Bill GOCC bangud nga hugot man raya nga ginapamaeabagan it mga pumueoyong Aklanon.
