KALIBO, Aklan—Ginpaiway ni Sangguniang Panlalawigan member Nemesio Neron ro anang personal nga interes sa pagdaeagan bilang alkalde sa banwa it Banga sa maabot nga 2022 election.
Raya hay kasunod it pagsanib-pwersa nanday Aklan 1st district Congressman Carlito Marquez ag Governor Florencio Miraflores sa idaeom it partidong Tibyog Akean.
Tuyo sigon nanda nga makaangkon it unification sa Banga para taw-an it daean ro pagdaeagan bilang gobernador ni Ibajay mayor Joen Miraflores.
Angot kara, plano man makaron it partido nga ibutang bilang alkalde it Banga ro presenteng Vice mayor nga si Noel Redison kung siin si Mayor Erlinda Maming ro paga-ubrahon nga running mate kara.
Nagpahayag man it hugot nga suporta si Neron sa anang bilog nga partido para sa paeabuton nga eleksyon.
