KALIBO, Aklan—-Uman nga nakalista it tatlong panibag-ong kaso it Covid-19 sa probinsya it Aklan.
Raya hay ginakaeakipan it daywang ka mga indibidwal halin sa banwa it Balete ag sambilog ro halin iya sa banwa it Kalibo.
Ro nasambit nga mga kaso hay ginakabig nga lokal kon sa siin ro 62-anyos nga pasyenteng babaye it banwang Kalibo hay uwa it history it exposure samtang ro daywa nga taga-Balete nga ginakaeakipan it daywang ka mga eaeaki nga naga-edad it 22 ag 48 anyos hay may history of exposure sa confirmed case.
Samtang, may sangka recovery man nga nailista kahapon nga adlaw.
Raya hay ginakabig nga authorized person outside the residence ukon APOR nga sangka 37-anyos nga eaeaki nga taga-Roxas City, Capiz.
Sa pinakaulihing datos maghalin sa Aklan Provincial Epidemiology Surveliance Unit, ro probinsya hay nakalista eon it kabilugang 131 kaso it covid-19.
Sa nasambit nga numero, 107 ro mga nagmayad eon; pito ro namatay; ag may 107 pa makaron nga active cases ukon padayon nga ginamonitor ag ginabueong it mga health authorities.
