KALIBO, Aklan—Nakaangkon it sangkiri nga argumento sa tunga nanday Aklan Vice Governor Atty. Reynaldo “Boy” Quimpo ag Sangguniang Panlalawigan member Atty. Immanuel “Nolly” Sodusta sa andang ginpatigayun nga session.
Suno kay Atty. Sodusta nga nag-umpisa ro andang diskusyon kat mag-abstain imaw sa gindihon nga provincial ordinance.
Ginklaro man kara nga owa imaw nagakontra sa pag-apruba it ordinansa.
Apang, bukon sigon imaw it pabor nga mag-utang ro Provincial Government it kapin sa P148 million para pondohan ro mga aprubadong proyekto.
Ginsuhestyon sigon nana nga hueaton eon lang ro pag-abot it budget antes umpisahan ro mga natungdan nga proyekto.
Nasayuran nga gingamit anay it gobyerno probinsyal ro kwarta nga nakataeana para sa proyekto para sa COVID-19 response.
Samtang, ginpamalibaran man ni Atty. Sodusta nga may kaangtanan sa nagahilapit nga eleksyon ro anang pag-abstain.
