Uwa eon it naging komento si Aklan Vice Governor Reynaldo Quimpo sa pagbaeos it Bicolano congressmen kon siin gindeklara man sanda nga persona non grata maskin nga ginbawi eon man nanda ro kaparehong deklarasyon sa mga raya.
Ginpahayag it bise gobernador nga ginhimo eamang nanda ro andang responsibilidad ag obligasyon bilang lider it probinsya nga pamaeabagan ro pagpasilabot it mga taga-Bicol sa uman nga pagbuhi it Boracay Island Development Authority (BIDA) as a Government-Owned and -Controlled Corporation (GOCC).
Ginsaligan sigon sanda it mga pumueoyo ag gintaw-an it awtoridad para makapangapin sa Aklan rason nga ginhimo eamang nanda ro nagakadapat bilang mga legislator sa pihak it batikos nga andang nabaton.
Suno pa sa bise gobernador, gindepensahan eamang nanda ro isla it Boracay nga inde maipaidaeom sa pagdumaea it national government.
