KALIBO, Aklan—Mainit nga ginsug-aeaw ro mga Aklanon athletes nga sumabak sa 32nd Southeast Asian (SEA) Games sa Cambodia.
Ro mag-igkampod nga parehong nag-uli it bronze medal nga sanday Shara Julia Jizmundo ag Zandro Fred Jizmundo Jr. hay kaibahan it Philippine team sa pencak silat ag kun bokator.
Kabilugan nga 28 nga atleta ro nagpasakop sa SEA Games nga ginpangunahan it defending women’s seni tunggal champion Mary Francine Padios.
Sa nasambit nga numero, lima ro naghalin sa Aklan nga ginaeakipan nanday Shara Julia, Hanna Mae Ibutnande, Jasper Jay Lachica, Zandro Fred Jr. ag si Padios.
Ro daywa kaibahan si Freddie Jizmundo Jr., nga nagaserbi makaron nga head it national team coaching staff ag ro anang ama nga si Freddie Jizmundo Sr., hay gin-abi-abi sa Kalibo international airport it Philippine lightning speed, mga pamilya, lokal nga opisyal it LGU-Kalibo ag iba pa bitbit ro banners ag nagpatigayon pa it mass demonstration.
Angot kara, ginkalipay it head coach nga si Freddie Jismundo Jr. nga malipayon sanda ag bugaeon bangud sa kauna-unahan nga kahigayunan sa kasaysayan it aklan hay nakahakot sanda it maabu nga medalya nga ginaeakipan it sambilog nga gold ag 2 bronze medal ag sa kun bokator hay 1 silver ag 2 bronze sa pencak silat.
Pinaka-sekreto sigon nanda sa paghubog it mga atleta hay ro disiplina samtang sa grassroots level pa eamang.
Samtang, para kay Zandro Fred Jizmundo Jr. nga malipayon imaw sa nakaangkon eagi it bronze medal sa unang pagsabak sa SEA Games.
Ginpasaeamatan man ni Shara Julia Jizmundo ro mga nagpakita kanda it suporta kamana man sa andang mga coaches nga matiyaga nga nag-giya kanda paagto sa kadaeag-an.
