KALIBO, Aklan — Naangkon it sangka Aklanon beauty ro korona bilang Miss China-Asean Etiquette 2018 nga ginpatigayon sa Bangkok, Thailand ko Disyembre 20.
Raya hay matapos nga ginkoronahan ro 5’9 beauty nga si Esraphelle Beltran Tambong, tubong Kalibo, Aklan.
Si Tambong hay nagtapos it high school sa Aklan Catholic College ag nag-eskwela sa University of Makati sa kursong Bachelor of Arts, Political Science major in Paralegal Studies.
Ginkoronahan imaw bilang Ms. Model of the World 2017- Philippines ag nagrepresentar sa nasambitang kompetisyon.
May kaangtanan kara, bumuhos ro pagdayaw kay Tambong halin sa anang mga kapamilya, amigsa ag dating kaklase halin sa Aklan.
Samtang, ginkilaea man bilang First runner up si Zhao Wenyi it China samtang second runner-up si Moukthida Souphanthachith it Laos.
Kaibahan kara nga nagrepresentar sa nasyon si Amira Alisha Qamhawe nga ginpasidunggan bilang Miss Elegance.
