KALIBO, Aklan— Mainit nga ginsug-aeaw sa banwa it Tangalan ro Aklanon beauty nga nagdaog bilang second runner-up sa Miss Scuba International 2018 pageant nga ginpatigayon sa Sabah, Malaysia ko Nobyembre 17 kat nagbisita raya sa nasambitang banwa.
Si Ms. Noelle Fuentes-Uy Tuazon, 26-anyos, hay tubong banwa it Tangalan, sangka forensic anthropologist ag naging representante it Pilipinas sa nasambitang beauty contest matapos nga ginkilaea raya bilang Ms. Scuba Philippines 2018 ko Oktobre 3 nga ginpatigayon sa Chaos Manila City of Dreams.
Igataguyod kara ro “sustainable marine ecotourism preservation through coral rehabilitation and transplantation”.
Nasayuran nga ginkoronahan bilang Miss Scuba International 2018 si Daisy Whetlor it United Kingdom samtang si Dami Huang it Chinese Taipei ro naging 1st Runner-Up.
