Malipayon nga ginpakigbahin it sangka Physicians Licensure Examination Passer ro anang reaksyon ag eksperyensya bago ag pagkatapos nana maging doktor.
Suno kay Dr. Ian Timbas nga consistent honor student imaw halin pa ku elementary.
Namatay sigon ro anang ama kat grade 3 pa eamang imaw rason nga ro anang ina ag mga magueang eun lamang ro nagsuporta kana.
Maabo man ro inagyan ni Ian bago naging doktor kaibahan ro kalisod sa pagtuon ag maabong iba pa.
Suno kana nga ginhueat gid nana ro resulta it licensure examination bangud gusto nana nga imaw ro unang makakita sa resulta, kung siin hay napasinggit imaw kat nakapasa imaw ag binasa pa sigon nana it uman ro anang pangaean.
Pagsaysay man ni Timbas nga magatrain imaw sa Manila bangud may mga scheduled interview eun sigon para kana ag uwa man nana ginasara ro oportunidad nga makaserbe sa Aklan.
Matabo ro oath taking sa katung-anan it Disyembre ag may una nga 60-63% ro national passing rate sa nasambit nga eksaminasyon.
Ro anang ama sigon ro rason kung ham-an nga naghandum imaw nga maging sangka doctor.
Nasayuran nga first taker si Dr. Timbas sa nasambit nga examination ag unang doktor sa andang pamilya.
Handum man nana nga maging surgeon ag makabulig sa iba paagi sa operasyon.
Ginpamilit ni Dr. Timbas sa mga nagahandum nga maging doktor man nga sayuron anay kung ano ro gusto sa kabuhi, ag ro kagustuhan nga makabulig sa tawo.
Pagdugang pa nana nga “dreams do really come true.
