KALIBO, Aklan – Nagpasa it resolusyon ro Sangguniang Panlalawigan it Aklan bilang pagkilaea kay Ryan Salazar Lopez sangka fashion designer nga tubong New Buswang, Kalibo.
Raya hay bangud sa anang ginpakita nga kamayad ag pagtao it dungog sa Pilipinas.
Ro resolution no. 2024-484 ukon resolusyon nga gin-aprubahan ku Setyembre 2 hay nagadayaw kana sa anang pagdaog sa Malaysia sa sangka Precious of Malaysia International Cultural Fashion Week 2024.
Ginkilaea sa nasambit nga fashion week ro anang ginhimo bilang Best Traditional Design Awardee.
Ginbasa man ni SP Mark Vega Quimpo ro excerpt it nagtaliwan nga meeting kadungan it pagtao it plaque kay Lopez.
Ginpunto man sa dokumento nga suportado it probinsya ro mga kapasidad ag talento it kada pumueoyo sa parehong national ag international level.
Samtang, suno kay Lopez nga ginapabugae nana ro Pina Fiber it Aklan bangud raya hay nagapakilaea sa probinsiya.
Malipayon imaw nga ipakilaea ro nasambit nga produkto sa kalibutan rason nga anang binaton ro nasambit nga pag-intra sa kompetisyon.
Matandaan nga nagpaindis-indis si Lopez kontra sa 18 ka mga partisipante sa nasambit nga kompetisyon.
Nasayuran nga sambilog man imaw sa nag-eambong kay Christelle Abello ro naging Miss Aklan 2021 sa Miss Universe sa parehong dag-on.
