Eubos ro kalipay nga ginabatyag ni Jonas Ningala sa anang pagkapasa sa National Qualifying Examination For School Heads ku Biyernes nga adlaw.
Sa pakikipag-angot it Bombo Radyo kana, ginakabig nana nga pagbalik-tanaw sa edukasyon ag sa nagtaliwan ro anang rason ngani nga nagdesisyon imaw nga mangin maestro.
Nagapati man imaw nga edukasyon ro susi sa kadaeag-an.
Pagpakigbahin pa Ningala nga bonus eun lang ro anang pagiging top ag ro pagiging Regional Top Performer.
Dugang pa nana nga himuon nana ro anang masarangan agud mabuligan ro mga inunga.
Samtang, bangud nga full time teacher – in – charge naging hangkat para kana ro time management samtang padayon nga nagareview sa paeabuton nga eksaminasyon apang ana sigon raya nga hakaya.
Handum nana magserbi nga inspirasyon sa mga tawo ag Malinaonon.
Nasayuran nga ro National Qualifying Examination For School Heads hay eksaminasyon sa mga gusto magpapromote nga may criteria nga dapat hay 5 dag –on sa serbisyo antes makapasakop.
Sa makaron si Ningala hay sangka Teacher III ag teacher – in – charge sa Sipac Primary School sa banwa it Malinao.
