CANADA – Ginkoronahan bilang Ms. International professional entertainment network 2024 ku July 12 ag 13 nga ginhiwat sa Toronto Pavillion sa Canada.
Pahayag ni Norlyn Relente Castro nga apisar nga malisod ag masako ro anang schedule bangud sa anang trabaho hay nakayanan nana nga imanihar ro anang schedule para eamang nga makapadayon it intra sa nasambitan nga beauty pageant.
Adbokasiya ni Castro ro pagbulig sa mga charities ag pagtao it scholarship sa mga maeam apang kubos nga mga estudyante.
Pagsaysay nana nga gin-engganyo eamang imaw it director it nasambitan nga beauty pageant apang ku una hay ginbalibaran apang bangud man sa pagpursige hay ana eun lang raya nga ginbaton.
Mag-euwas sa nasambitan nga korona, naiuli man nana ro Best in Sportswear ag Ms. IPEN Charity 2024.
Masayuran nga may kategorya ro nasambitan nga pageant kun siin nga imaw hay sa MS Category bilang imaw hay may asawa.
Eubos man ro anang pasaeamat sa anang mga pamilya, mga tagasuporta ag mga himata.
