Sangka Aklanon ro ginkilaea sa award nga Indian Star Award of the Year sa nasyon nga India.
Si Michelle Navajas nga taga-Calimbajan, Makato hay sangka manunueat nga nagasueat sa mga maabo nga klase it genre.
Pahayag nana nga nag-umpisa imaw it published ku 2019 kung siin nga naging best seller ro anang mga hinimuan nga libro, kung siin nga ro sambilog hay naging #1 sigon sa sueod it 24 hrs sa tatlong nasyon ro Japan, India ag USA.
Bukon sigon it madali ro proseso bago nga mabueo ro makaraya nga pagklilaea.
Pahayag nana nag forte nana ro fiction bangud kaya nana masueat ro bisan alin ag bisan ano.
Pagsaysay nana nga ro anang ama ro nagtao kana it inspirasyon ngan nga nahilig imaw magsueat.
Nagdoble ro sales it libro ni Navajas kat ginkialea imaw ag gintaw-an it award.
Dapat man sigon nga mag-angkon it mga “wonderful people” sa imong palibot nga magasuporta, magapamati ag magabag-o kung may kinahang-ean, raya sigon hay teamwork nga makabig.
Suno nga ro pagiging writer hay bukon it madali bangud nga kinahang-ean sigon it oras ag pilang gabei nga uwa it tueog para nga makapublish it sangka libro.
Tips nana sa mga gusto man maging manunueat nga dapat sigon nga sayuron anay ro mga technicalities sa pagsueat agud nga maging madinaeag-on.
