Malipayon nga ginpakigbahin ni Patrick James Ureta ro anang kadaeag-an bilang 4th place sa On- the -Spot Editorial Cartooning English category sa College Press Conference and Awards (COPRE) 2023 sa Iloilo City.
Pahayag ni Ureta nga imaw ra hay sangka college student sa Northwestern Western Visayan Colleges bilang sangka Bachelor of Science in Computer Science student.
Sugid it editorial cartoonist nga hilig sigon nana ro drawing ag artist imaw halin ku unga paeamang imaw.
Pagsugid ni Ureta nga bisan imaw hay nakibot ag kinuebaan man sa topiko nga gintao kanda sa nasambit nga kompetisyon pero gintinguhaan nana nga ipakita pinaagi sa drawing ro anang opinyon ag panan-awan.
Nagpasaeamat imaw sa anang mga ginikanan, kapamilya, mga abyan, eskwelahan ag organisasyon sa bulig ag suporta.
Mensahe nana nga sa pihak sigon it kalisod sa pagdrawing hay suhestiyon nana sa mga naila man magsueod sa patag nga anang ginpili nga magpadayon eang sa pihak ku mga hangkat bangud nga ro importante sigon hay nagaprogreso ro tawo.
