-- ADVERTISEMENT --
KALIBO, AKLAN —- Patay ro sangka Aklanon Marines Sniper matapos barilon it Maute Sniper sa ueo sa nagapadayon nga bakbakan sa tunga it tropa it gobyerno ag teroristang grupo sa Marawi City.
Ro biktima hay ginkilaeang si Philipine Marines Sniper Sgt. Brian Tamboon nga nag-angkon it grabeng lastro sa ueo.
Ginapatihan nga sniper it Maute Group ro nakabaril-patay kay Sgt. Tamboon samtang nagapamahaw raya sa andang battleground.
Si Tamboon hay natawo ag nagkaisip sa Brgy. Caticlan, Malay, Aklan apang naga-istar eon sa makaron sa Zamboanga City matapos nga makapangasawa idto.
Naulila ni Tamboon ro anang misis ag daywang mga onga.
-- ADVERTISEMENT --
Nasayuran nga dag-on 2012 kat naging soldado raya ag na-destino sa parte it Mindanao.
