KALIBO, Aklan – Eubos ro kalipay ni it sangka Aklanon kat masayuran nga imaw ra hay nakapasa sa Aklanon pasado sa Board Licensure Examination for Psychologists and Psychometricians.
GinpasaDiyos ni Camille Pama sangka Registered Psychometrician ro anang kabilugan nga journey halin kat anang ginpili ro kurso nga Bachelor of Science in Psychology kun siin raya hay makabig nga pagtuon parte sa human behavior.
Aminado imaw nga malisod ro anang kurso ag may mga tyempo nga nalilisdan imaw apang suno kana daeangpan nana ro anang ina nga sangka single mom bangud nga may andang open communication sa kada isaea.
Pahayag man nana nga suportado imaw it anang pamilya sa anang ginpili nga propesyon.
Suno kana nga ginagamit nana ro anang tinun-an ag limog para nga makabulig sa mga ginakinahang-ean makaron ag pagiging advocate.
Paathag man nana nga tanan hay may rason kun haman nga nagabehave ag naga’react ro tawo sa sangka sitwasyon raya hay mahimo nga maghalin sa anang genetic level, childhood experiences ag maabong iba.
Dugang ni Pama nga naiwasan man nana nga magself-diagnose sa mga mental issues nga andang natun-an ag kaibahan anang mga kalase sanda ra hay nagabueoligan.
Panindugan nana nga tanan nga kadayawan ag anang kadaeagan hay para tanan sa Diyos.
Masayuran nga ro eksaminasyon hay ginhiwat sa bahin it Manila, Cebu, Baguio ag Davao ku Agosto 11 ag 12, 2024 kun siin ginpaguwa ro resulta ku Agosto 20.
