KALIBO, Aklan – Aminado si Aidee Gonzales sangka registered medical technologist nga malisod ro kurso nga anang ginbueo sa kolehiyo.
Apang suno kana nga kada imaw ra hay nagakalisod nagadangop eamang raya sa Diyos ag sa anang pamilya.
Ginapiniino eamang nana ro anang paeaabuton ag anang mga handum sa kabuhi.
Ginakwestiyon man ni Gonzales ro anang kurso kun amat bangud sa kalisod apang gabalik sa anang piniino ro mga kabudlay it anang ginikanan.
Pagsaysay nana nga imaw sigon ro nagdesisyon nga Bachelor of Science in Medical Technologist ro anang bue’-on nga kurso ag makabig nga unang Medtech sa andang pamilya.
Eubos man kalipay ni Gonzales ag it anang pamilya ag mga himata kat masayuran nga imaw ra hay nakapasa.
Nagpanangison sigon sanda kat mabasahan ro anang pangaean nga sambiloog sa mga nakapasa.
Dugang ni Gonzales nga sa kada pangutana sa esksaminasyon hay anang ginapasaDiyos.
Masayuran nga ginhiwat ro Medical Technologists board exam ku Agosto 6 ag 7 sa may bahin it Cebu, Baguio, National Capital Region ag Davao.
Samtang, ginpaguwa ro resulta ku Agosto 13, 2024.
