KALIBO, Aklan – Handum ni Daniel Yzazel Abayon nga makabulig sa mga marginalized sector ag dugang ro anang pamilya bilang inspirasyon rason nga nagdoktor imaw.
Eubos ro naging kalipay ni Abayon ag ku anang pamilya kat imaw ra hay nakapasa sa Physician’s Licensure Examination makaron nga dag-on.
Pahayag nana malisod man para kana ro kusro ag may mga tyempo nga gusto eun nana nga magpundo apang anang ginakaya bangud nga raya ro anang handum.
Bangud kara, plano man anay ni Abayon nga ienjoy ro anang mga habilin nga buean antes nga magresidency ag tuyo nana nga maging sangka anesthesiologist.
Samtang, ginpaabot man nana ro anang pasaeamat sa tanan nga nagbulig kana.
Laygay man nana nga ro pagbueo it kurso kapareho kana hay kinahangean nga himuon nga may passion ag compassion sa iba ag bukon it sa kwarta.
Nasayuran nga mag-euwas sa pagiging lisensyadong physician hay lisensyado man imaw nga pharmacist.
