KALIBO, Aklan – Nakapwesto si Labelle Mandal sangka Aklanon student-journalist it second place sa bilog nga Pilipinas sa ginhiwat nga National Schools Press Conference 2024 sa Carcar, Cebu City.
Pahayag ni Shiela Nepomuceno nga haangkon ni Mandal ro kadaeg-an sa copyreading and headline writing Filipino category secondary level.
Raya sigon hay kadaeag-an it andang eskwelahan ag bilog nga rehiyon.
Ginhiwat ro nasambitan nga kompetisyon ku July 8 hasta July 12 kun siin may una nga partisipante halin sa bilog nga Pilipinas.
Dugang nga may financial support man nga ginbaton ro contestant halin mismo sa regional office ag sa eskwelahan.
Sa pihak nga parte suno man kay Bernard Fernandez school paper adviser ni Mandal nga nagtao man it bulig ag apresasyon si Sangguniang Bayan Member Philip Yerro Kimpo.
Dugang pa nana nga bukon it madali ro andang inagyan bilang mga coaches.
Samtang, may mga criteria man kapareho it headlining, correction it errors ag structure ro nakabulig sa pagdaog it unga.
Eubos man ro kalipay it daywa para sa kadaeag-an it andang representante.
Ginpaabot man nanda ro andang pasaeamat sa tanan nga nagsuporta kanda.
