KALIBO, Aklan—Ro grupo it mga performers nga ginatawag nga Aklanon Troopers ro nakabo-oe it top place sa PATIK BATTLE of the ATI ATIHAN BANDS para sa virtual nga pagpatigayon it 2022 Kalibo Sto. Nino Ati-Atihan Festival.
Ro nasambit nga grupo hay nagbaton it 25,000 pesos nga premyo nga nagpierde sa grupong Meresi nga nagpangaywa sa kompetisyon nga may premyo nga 15,000 pesos.
Ro third place hay naagto sa roadside nga may cash prize nga 10,000 pesos.
Nagbaton man it consolation prize nga tig-3,000 pesos ro tribu aeang-aeang ag blue birds.
Ro mga nagdaeaog hay insigidang gin-anunsyo pagkatapos it kompetisyon.
Ginlimitahan eamang sa limang grupo ro nagpasakop sa contest nga ginpatigayon makaron nga adlaw it biyernes sa Magsaysay Park.
Ro criteria for judging hay originality, loudness and clarity nga may 25%, variety of music old and modern songs, 25% ag discipline and energy level, 25% nga may kabilugan nga 100%.
Sikat ro Ati-Atihan festival sa bilog nga kalibutan nga ginapatigayon kada ikatlong domingo it buean it Enero, kun sa siin ginakabig raya nga pinakamagueang nga festival bilang pagtau it pasidungog sa batang Hesus ukon Sto. Nino.
Apang sa ikaywang dag-on ginkansela ro mga mabahoe nga aktibidad bilang pagpangaman sa COVID-19 pandemic.
