KALIBO, Aklan – Hakot medalya ro tatlong mga Aklanon Warriors sa patag it Pencack Silat sa bahin it Bukhara, Samaraknd, Uzbekistan para sa 8th Pencack Silat Combative Martial Arts Championship Tournament halin Oktubre 10-16, 2024.
Gin-uli nanday Shara Julia Jizmundo ro bronze medal sa Seni Tungal Female Solo, bronze man ro hakuhit man ni Zandro Fred Jizmundo Jr. sa Rego Trio Seni Male, ag si Hannah Mae Ibutnande ro bronze sa Female Tungal (Figghting).
Pahayag ni Freddie Jizmundo Sr. coach sa nasambitan nga sports nga mabahoe eun nga swerte kun makabueo it bronze bangud nga sa pueo nga mga nasyon nga partisipar tanan man ro mga representante kara hay ro mga pambato man it andang tagsa ka mga nasyon.
Pagsaysay nana nga ro mga atleta sigon hay nagatrain anay sa Baguio City sa athletes camp nga suportado man sanda it Philippine Sports Commision paagi sa mga allowances ag financial support.
Nasayuran nga 20 ro mga naging representante it Pilipinas sa nasambit nga kompetisyon nga ro iba hay nag-uli man it medalya.
Masami sigon nga ginabueo it pilang unibersidad sa Manila ro mga Aklanon player nga kabaylo hay libreng pagtuon ag allowance.
Pagpakigbahin man nana nga maabong mga manughampang eun man ro nakaabot sa ibang nasyon bangud sa nasambit nga sports.
Sa makaron, magapahaom pa ro ibang mga atleta nana para sa mga paeabuton nga hampang kapareho it 2024 National Batang Pinoy ag World Championship.
