Ginarepresenta it mga Aklanon Warrios ro nasyon sa Bukhara, Samaraknd, Uzbekistan para sa 8th Pencack Silat Combative Martial Arts Championship Tournament halin Oktubre 10-16, 2024.
Pahayag ni Freddie Jizmundo Sr. coach sa nasambitan nga sports nga suportado it Philippine Sports Commision ro mga atleta, paagi sa mga allowances ag financial support.
Nagaeaom man sanda nga makauli it medalya ro mga raya nga may kabaylo nga incentives.
Paathag nana nga raya sigon hay nakakabulig sa personal growth it mga indibidwal, sa mental, physical, emotional ag sa pinansiyal nga aspeto.
Raya man sigon ro nakakabulig agud maging disiplinado ro mga manughampang ukon inunga.
Ginakonsidera man sigon nana nga uwa it masayadong kasingkae ro nasambit nga sports nga anang ginaturo.
Pagsaysay ni Jizmundo nga haeos 51 years eun imaw ra nga nagaturo it combative sports kapareho it taekwondo, karate, sikaran, ag pencack silat nga naging mabahoe nga bahin it anang kabuhi ag sa anang mga inunga ukon players.
Nasayuran nga ginarepresenta nanday Zandro Fred Jizmundo Sr.,Shara Julia Jizmundo, ag Hannah Mae Ibutnande ro nasyon sa nagapadayon nga hampang.
Ro pencack silat hay sangka martial arts sa artistic nga pamaagi nga naghalin sa Indonesia.
