KALIBO, Aklan—Ginpaguwa it Malay Inter-Agency Task Force Against COVID-19 nga owa eon it may nailistang bag-ong kaso it deadly virus sa banwa it Malay ag isla it Boracay sa nagtaliwan nga mga inadlaw.
Base sa Health bulletin it task force, ro datos hay nailista hasta ko Mayo 15, 2021.
Sa makaron ro banwa it Malay hay may kabilugan nga 331 nga kaso kun sa siin 31 kara ro aktibo ag naka-facility quarantine.
Nakalista it 298 nga nagmayad sa nasambit nga sakit matapos nga magdugang ro limang bag-ong recoveries.
Nagapabilin man sa daywa ro namatay bangud sa Coronavirus.
Nauna eon nga nagpanawagan si Malay Mayor Frolibar Bautista nga seryosohon ro pagsunod sa minimum public health standards agud nga malikawan ro pagkalhit it makataeapon nga sakit.