KALIBO, Aklan—Kapin sa 164 eon lang ro aktibong kaso it covid-19 sa bilog nga probinsya it Aklan.
Sa pinakaulihing datos nga ginpaguwa it Aklan Provincial Epidemiology Surveillance Unit it Provincial Health Office, waeo eon lang ro nailistang nagpositibo sa deadly virus halin sa 65 ka mga swab samples nga gintest sa laboratoryo it Aklan.
Sa nasambit nga numero, ap-at ro maghalin sa banwa it Altavas; tig-sambilog sa Batan ag Madalag kamana man daywa sa Tangalan.
Bangud kara, nagaabot eon sa 12,491 ro kaso it covid-19 sa probinsya apang 12,012 eon man ro nagmayad matapos nga nadugangan it 22 kahapon nga adlaw.
Sa makaron hay 128 pa ro nagapabilin sa facility quarantine, 28 ro naka-home quarantine ag napueo ro admitted.
Samtang, kapin sa 315 man ro mga binawian it hueam nga kinabuhi halin nga nag-eopok ro pandemya ko 2019.
