Ginbulgar it talent manager ag beteranong showbiz reporter nga si Ogie Diaz nga napyerde ro aktres nga si Ruffa Gutierrez sa anang kaso kontra sa anang daywang ka mga dating kabulig nga ginpalayas sigon sa anang panimaeay sa Alabang ko nagtaliwan nga dag-on.
Ginpahayag ni Ogie nga ginmanduan it Department of Labor and Employment si Ruffa nga magbayad it kompensasyon sa daywang ka kabulig.
Angot kara, ginmanduan it DOLE si Ruffa nga magbayad it P13,299 sa mga kabulig kamana man ro andang uwa pa nabayarang sweldo nga pro-rated nga 13th month pay sa sueod it napueong adlaw matapos nana nga mabaton ro Notice of Finality Decision halin sa DOLE.
Dugang ni Ogie nga kumpyansa imaw nga magasabat si Ruffa sa desisyon it DOLE ag pagabayaran ro anang obligasyon sa daywang kabulig bangud sa pagkakilaea kara sa aktres hay sangka mabuot nga tawo.
