Masobra sa 700 nga baka ro gina-alagaan kada dag-on it mag-asawang Megan ag Barry Coster sa andang rancho sa West Gippsland, Victoria, Australia.
Apang makaron nga 2023 eang sanda nakakita it kakaiba ag tumaeagsahon nga body markings sa sambilog sa andang baka kun sa siin may una raya nga body markings nga ro korte hay “smiley face”.
Suno kay Mrs. Coster, may naalagaan eon sandang baka nga may body markings nga korteng tagipusuon, ag number 7 apang sobra sandang nakibot sa “smiley face” sa kilid it bag-ong unga nga Holstein cow nga ginpangaeanan nanda nga Happy.
Kat bag-ong unga si Happy, owa it nataeupangdan nga kakaiba si Mr. Coster ag owa imaw it maitau nga identity kara.
Apang kat nakita nana ro waea nga kilid kara, nakibot imaw nga medyu may nakahibayag nga body markings.
Kat gin istorya man nana raya kay Mrs. Coster, man man nagpati ro ginang.
Gindudahan pa nga drowing eamang ro smiley face sa eawas it baka.
Apang kat makita eon ni Mrs. Coster it personal ro baka, napamatud-an nana nga matuod ro “smiley face” sa eawas ni Happy.
Bangud sa unique nga katangian ni Happy, nagdesisyon ro mag-asawang Coster nga indi eon raya ibaligya.
Ginakabig eon nanda raya nga pet ag magiging mascot it rancho.
