NATIONAL News — Ginpaidaeum it Department of Foreign Affairs (DFA) ro Bangladesh sa Crisis Alert Level 1 ukon precautionary phase sa tunga it mga kinagamo ag kinagamong sibil sa nasambit nga nasyon.
Nagtuhaw ro mga protestang ginapamunuan it mga estudyante sa Bangladesh ko nagtaliwan nga buean bangud sa gintaeana nga mga quota sa mga trabaho sa gobyerno, nga nagresulta sa makamaeatay nga bakbakan it mga pulis kun sa siin nag-abot sa 200 ro namatay.
Sa sangka advisory, nagpaandam ro DFA nga ro security situation hay posibleng magtuhaw anuman nga oras.
Sa idaeum it alert level, ro mga Pilipinong naga-istar sa Bangladesh hay hugut nga ginalaygayan nga obrahon ro mga masunod; magdahan ag limitahan ro mga paghueag; maging mapagbantay, subaybayan ag sundon ro mga sueundanan nga gintaeana it mga lokal nga awtoridad; pirmeng magdaea it valid nga pasaporte ag residence visa ag engkaso nga owa pa nanda raya nahimo hay iparehistro eon ro mga detalye sa Embahada it Pilipinas sa Dhaka.
Ginpahayag it DFA nga ro mga Pilipinong nagakinahangean it bulig hay pwedeng makipag-angot sa Philippine Embassy sa Dhaka pinaagi sa email address dhaka.pe@dfa.gov.ph ukon emergency hotline (+880) 190.540.0079 (SMS, Calls, Whatsapp & Viber).
