Planong irekomenda it Department of Health (DOH) nga ipabilin ro alert level system sa administrasyong Marcos samtang nagapadayun ro pagsukoe it nasyon kontra sa COVID-19 pandemic.
Suno kay Health Undersecretary Maria Rosario Vergeire, raya ro nagatao katun it safeguard ag paggiya para matumod kung ano ro magiging aksyon base sa risk level it areas sa nasyon.
Gindugang pa ni Vergeire nga naka-eksperyensya it hangkat ro gobyerno sa pagpaidaeom sa tanan nga lugar sa Alert Level 1 antes matapos ro termino ni Pangueong Rodrigo Duterte sa Hunyo 30 bangud sa manaba nga pagbakuna sa pilang rehiyon.
Ginpahayag ni Vergeire nga igarekomenda ni Health Secretary Francisco Duque III nga ipdayun it pasueod nga bag-ong administrasyon ro mga pagpanikasog it presenteng liderato sa pagsabat sa kahimtangan it kaeawasan it nasyon kaeakip ro pagpabaskog it COVID-19 vaccination drive.
