Paga-umpisahan it Filipino tennis player nga si Alex Eala ro anang kampanya sa singles campaign sa grass court sa WTA 125 Birmingham Open sa England kontra kay Priscilla Hon it Australia sa Round of 32.
Antes ro singles match, maga-sabak anay si Eala sa doubles event kaibahan ro Czech player nga si Nikola Bartunkova, kun siin maka-atubang nanda ro home pair nga sanday Harriet Dart ag Maia Lumsden nga seeded second sa torneo.
Halin si Eala sa clay season kun siin nagtapos raya matapos maperdi sa French Open kontra sa amiga nga si Iva Jovic.
Nauna man nga umatras ro tambalan nanda ni Victoria Mboko sa doubles it Roland Garros, samtang naglista imaw it 4–5 win-loss record sa limang torneo.
Patas ro andang head-to-head record ni Hon, kun siin pareho nandang ginperdi ro kada-isaea sa separado nga hampang.
