Padayun ro manami nga kampanya ni Filipina tennis star Alex Eala matapos nana nga piyerdihon si Zhang Shuai it China sa straight sets, 6-3, 6-2, sa Round of 32 it WTA 500 HSBC Championships sa London.
Raya hay kasunod it anang naunang kadaeag-an sa Birmingham Open, kun sa siin naangkon nana ro anang unang grass-court title.
Sa hampang kontra kay Zhang Shuai, nakulelat si Eala matapos mabo-oe it beteranong kaaway ro tempranong 2-0 lead. Apang insigida imaw nga bumawi ag nakapuntos it sunud-sunod nga laro para mabo-oe ro unang set, 6-3.
Sa ikaywang set, eubusan nga nakontrol it 20-anyos nga Pinay ro hampang ag owa eon ginbuhian ro momentum hasta nga maangkon ro kadaeag-an sa score nga 6-2.
Bangud sa daog, nagsaka si Eala sa Round of 16 kun sa siin maka-atubang nana si Iva Jovic it United States, nga nauna eon nga nagpiyerde kana sa French Open ko nagtaliwan nga buean.
Si Jovic hay seeded number 6 sa torneo, rason nga ginaeauman nga magiging mabudlay raya nga hampang para sa Filipina tennis star.
